Coumme tchi apprendre lé Jèrriais?

1999-2000 170 mousses 20 clâsses par semaine
2001-2002 191 mousses 33 clâsses par semaine
2002-2003 142 mousses 34 clâsses par semaine
2003-2004 155 mousses 30 clâsses par semaine
2004-2005 178 mousses 30 clâsses par semaine
2005-2006 179 mousses 39 clâsses par semaine
2006-2007 169 mousses 37 clâsses par semaine
2007-2008 188 mousses 35 clâsses par semaine
2008-2009 206 mousses 38 clâsses par semaine

 

J'avons stèrté à apprendre du Jèrriais dans l's êcoles en 1999. Pus tard la décision a 'té faite d'întroduithe not' langue dans d's Êtudes Jèrriaises pouor l'année 4 (les p'tchiots dé 8 à 9 ans) dans toutes les êcoles. Y'avait siêx léçons châtcheune d'eune d'mié-heuthe basées sus des chansons traditionnelles - mais èrcordées s'lon eune faîchon modèrne.

  1. Lé Chant d'Jèrri
  2. Tandi qué bouôn mathinnyi bait
  3. J'ai pèrdu ma femme
  4. Jean Gros Jean
  5. L'Île dé Jèrri
  6. Man Bieau P'tit Jèrri

D'pis Septembre 2018 l'ensîngnage du Jèrriais est asseûthé par eune êtchipe.

 


Apprannez du Jèrriais!

Bouônjour, ch'est

N'y avait pon d'êducâtion en Jèrriais du tout d'vant les années 1960, même qu'nou-s'en proposait dé temps en temps avaû l's années. Chenna stèrtit auve des clâsses pouor les grandes pèrsonnes. Parmi les cheins tch'ensîngnait 'taient Missis Phyllis Green, tch'avait 'té Députée d'St. Saûveux, Moussieu Laurie Lucas Huëulîn, rédacteu des Nouvelles Chroniques du Don Balleine, Peter Germain, tchi finnit sa cârriéthe comme Assistant Directeu du Collège Victoria, Madanme Joan Tapley, auteu d'un tas d'pièches pouor l'Eisteddfod dé Jèrri, et pus tard Tony, Colin et Geraint dé L'Office du Jèrriais.

Les mousses ont ieu des léçons dépis 1999, et aniet l'Jèrriais est offert dans l's êcoles par la nouvelle êtchipe.