Ma Bouaîs’sie

June 6th, 2014

Jèrriais Logo
Back

Ma Bouaîs’sie

Office du Jerriais Eisteddfod

Du p’tit livret Èrcitâtions Jèrriaises pour l’Eisteddfod 1954 (j’en trouvînmes eune copie parmi les papièrs à Eileen L’Sueux):

Ma Bouaisie

Y’a eune bouaisie au bas d’not’ clios,
Et ch’est la qué j’aime bein jouer,
Quand les prunolles et les mergots
I’ flieuthissent au r’nouvé.

Les p’tits lapins y jouent étout,
L’êté quand i’ fait bé,
Dans ma bouaisie i’ couothent partout,
J’vais les djaitter au sé.

Au s’tembre quand toutes les fieilles sont bas
Et d’un tas d’belles couleurs,
J’vais couorre et traîner mes pids d’dans,
I’ n’ya pas d’aut’ dé flieurs.

J’mé pliais là bas parmi les bouais
Qui vente ou qui faiche bé,
Au mais d’décembre tréjous j’y vais
Chèrchi du housse pour Noué.

ALP