La Fête des Patholes prend pliaiche châque année et ch’est un êvénement hardi împortant pouor lé calendri d’Jèrri.  La langue Jèrriaise a ‘té încliue à la Fête d’pis san c’menchement et i’ pathaît qu’la présence dé la langue craît châque année. L’Office du Jèrriais a couothu hardi d’s êvénements duthant la Fête, comme la lanch’chie d’livres, la chant’tie, la pâl’lie, et la poèt’tie. J’aimons bein prendre part dans chutte mangnifique célébrâtion et j’attendons fête dé prendre part dans bein d’s aut’s à l’av’nîn.