Acouo un but d’George d’La Forge:

Another snippet from George F. Le Feuvre:

Les Français n’changent pon fort. I’ trempent acouo lus pain dans lus café au matîn, et i’ craient acouo tch’i’ faut baithe du blianc vîn pour “mieux goûter” cèrtaines choses à mangi et du rouoge pour d’aut’ choses. I’ trouvent tréjous qu’ch’est drôle qué j’peux mangi sans baithe en mème temps, et qué j’peux apprécier l’fronmage sans baithe un cèrtain vîn pour li donner du goût. Et i’ pâssent des heuthes assis dans un café à baithe eune fais et r’garder l’monde pâsser dans la rue – la mème rue tch’il’ ont veu pour des années. Et quand i’ lus entre-pâlent ch’est à tue-tête, comme s’il’ ‘taient mârris!

27/10/1971