Né v’chîn l’texte d’aniet d’not’ auteu du mais, Elie:

Here’s today’s text by our author of the month, Elie:

Je crai quasi que j’ouï l’coucou
Dans les bouais, hier matin.
J’fumais ma pipe et tout d’un coup
J’l’entendis dans l’gardin –
Du mains, je l’crai, car faut l’avouer:
Un esprit d’minchet pousse
Souvent d’s’avièrs à le d’ganner…
J’ouï-t-i’ coucou ou mousse?

J’me sis d’mandè pus d’chinquante fais
Tch’est que j’ouï réellement.
‘Tait-che le coucou dans le haut d’un bouais
Ou tchic p’tit garnement?
J’avais promins coumme d’habitude
De l’dithe à Mess Bisson,
Mais dans une telle incertitude
J’mé demande: “coucou?”, “garçon?”

Si se’lment, j’l’avais veu d’mes yeux
L’être, tchi, d’un ton mélodieux
Chantait, san Coucou mystéthieux,
Mousse ou ouaisé, j’mé s’sais fait seux
Le tchè qu’avait criyè des deux
Et nou l’expos’sait sus l’compteux!