Né v’chîn l’texte d’aniet d’not’ auteu du mais, Amelia Perchard:

Here’s today’s text by our author of the month, Amelia Perchard:

J’sommes a patchi, pour nos’ ‘n’aller,
J’en sis toute excitée!
J’nos’ ‘n’allons dans eune autre maison
Qu’appartcheint à Pépée.

J’avons patchi toute la vaisselle
Dans des grands côffres en bouais,
Lé linge, et nos habits étout …
I’ n’reste rein sus l’s ais.

J’n’avons pon d’autres tapis ni d’tailes,
Car Pépée l’s a rouôles;
Et nou-s-en fait-i, du tapage,
Quand nous-s-amonte les d’grés.

Man tchian et l’cat s’en veinnent étout,
Et man p’tit canârien;
J’ m’en vais pas pou’er dormi chutte niet …
D’penser que j’ermouons d’main!