Né v’chîn l’texte d’aniet d’not’ auteu du mais, Amelia Perchard:

Here’s today’s text by our author of the month, Amelia Perchard:

Mémée m’emm’nit en ville l’aut’ jour
Et m’acatit des braies,
Un blianchet auv’ des jaunes boutons
Et eune pathe dé soulièrs.

J’eus des créyons et un p’tit livre,
Eune cravate et des gants,
Et eune castchette – ma toute preunmiéthe –
Auvec man nom dédans.

Ch’s’sa un grand jour pour mé, valet,
J’vos dis qu’j’en sis tout fyi
Dé penser qu’à la fîn j’sis grand –
Qué j’c’menche l’êcole lundi!