Tout l’tou, tout l’tou du tchaûdron,
les chorchièrs vont;
ouïy’-ous, ouïy’-ous la cânchon
du chorchéthon?

Un yi d’crapaud,
d’la vive caux,
eune fielle dé chue,
dé l’enturlu.

Tout l’tou, tout l’tou du tchaûdron,
les chorchièrs vont;
ouïy’-ous, ouïy’-ous la cânchon
du chorchéthon?

Dé l’amièrdoux,
eune dent dé loup,
d’la pé d’tchilieuvre,
eune bague dé veuve.

Tout l’tou, tout l’tou du tchaûdron,
les chorchièrs vont;
ouïy’-ous, ouïy’-ous la cânchon
du chorchéthon?

Du casque romain,
eune aile d’cahouain,
un êtchèrbot,
un dé dé p’tchiot.

Tout l’tou, tout l’tou du tchaûdron,
les chorchièrs vont;
ouïy’-ous, ouïy’-ous la cânchon
du chorchéthon?

D’la graisse dé lard,
un noeud d’pendard,
un potithon,
d’s êcrèdes d’dragon.

Tout l’tou, tout l’tou du tchaûdron,
les chorchièrs vont;
ouïy’-ous, ouïy’-ous la cânchon
du chorchéthon?

La langue d’eune tchianne,
eune fielle d’hannebanne,
dé l’if – eune tigue,
eune couothée d’tigre.

Tout l’tou, tout l’tou du tchaûdron,
les chorchièrs vont;
ouïy’-ous, ouïy’-ous la cânchon
du chorchéthon?