Les branques sont chèrgies d’êtînchelle;
au copé, né v’là eune êtaile;
au pid, des présents – un mouoché:
Dansons tout l’tou dé l’arb’ dé Noué!

Les veues lampent blianches et rouoges et bliues;
not’ couronne est pendue à l’us;
les chandelles sont à trélûther:
Dansons tout l’tou dé l’arb’ dé Noué!

Et y’a des cauches bordées dé v’lous;
d’s êtentes endgèrruées tout l’tou:
Dansons don entréchîn mînniet,
dansons tout l’tou dé l’arb’ dé Noué!

Jé n’viyons pon l’travèrs d’ses fielles
flieuthies d’atours et d’âtivelles.
Dans chutte bouaîs’sie, j’soummes êdgéthés:
Dansons tout l’tou dé l’arb’ dé Noué!