Eune poésie entouor l’anichette:
A poem about the Jersey hoard:

L’Anichette

Géthi d’en bas, lé trésor est dêfoui
et ch’t’ anichette nos êtchait d’l’Âge dé Fé,
dêtèrrée, enfliubée coumme eune monmie,
un magl’ye dé bein au liain au jour d’aniet.

Coumme dans la tombe au rouai Toutankhamonne,
nou-s’est à dêch’ler des richesses tout l’tou.
“Véthe, dé tchi mangnifique!” – ch’est mots-là r’sonnent.
Y’a deux milles ans nou-s’y fit la migoût.

Si ch’est qu’nou fond du fé, et l’rotchi sangne,
si ch’est qu’nou souôlève la chai ou l’méta,
si ch’est qu’nou-s’est à en souôb’ser la gângne…
l’êtchête est tréjous à géthi d’en bas.

27/6/2012